Nao ein paar waeke sortere, knippe, plekke, verkleine en kopiëre sjtaon eindelik alle foto's oppe website. Toet en met 5 jannewari 2013 kèntj gae genete van dees foto's. Daonao waere alle foto's van dit sezoen verwijderdj.

 

Mochtj gae zellef nog ein foto höbbe gemaaktj woeavan gae mèntj det die zeker oppe website mot komme, sjtuur den eine e-mail nao Dit e-mailadres is beschermd tegen spambots. U heeft JavaScript nodig om het te kunnen zien. .
De fotokemmissie en de webmaster zölle vervolgens besjloete of de foto gepubliceerdj kan waere. De Jokers haoje zich ouch ut recht väör om ein foto te plaatse in ein volgendje edisie van De Joker.

Bienao alle foto's van de vastelaovendj sjtaon op de site. Van de optocht zeen hieël väöl foto's gemaaktj en 't waas lestig ein seleksie te make. Daorom zeen in 't menu aan de rechterkantj twieë albums gezat spesiaal väör de optocht. Zoea probere wae 't toch ueverzichtelijk te haoje. De rest van de foto's zeen te vinje in 't foto menu baove aan de site. De letste foto's waere mörge (vriedig) toegevoegdj.

Väöl plezeer met alle foto's.

De fotokemmissie van De Jokers is inmiddels drök bezig om alle foto's te verzamelen, te sorteren en oet te zeuke väör onger angere de website. Dit is erg väöl werk en daorom zölle de foto's neet in eine kieër op de website waere gezat. De foto's van de jeugdssjläötelueverdracht en de 'groeate' sjläötelueverdracht sjtaon inmiddels op de website en de rest zal zoea sjnel muegelik ouch versjiene. Uterlik 10 mieërt zölle alle foto's online sjtaon, dös haotj de site goot in de gate.

Väöl plezeer alvast met ut bekieke van de foto's.

Ein geweldig vastelaovessezoen zitj der weer op! Nao 6 daag fieëste höbbe De Jokers woonsdig de vastelaovendj 2012 aafgesjloeate met ut hoeale van ut askruutske en ut aete van eine hieëring bie Kefee Ut Praothoes. Vanaaf donderdig höbbe De Jokers en de miense oet Bieëgdje laote zeen det de vastelaovendj in Bieëgdje nog sjteeds sjpringlaevendj is. Twieë geweldige sjläötelueverdrachte, unne gezellig kinjermiddig, eine optocht van hoeag niveau en ein drökke priesoetreiking nao aafloup en ein geweldige band op dinsdig in 't Leuke. En den vergaete wae nog de gezellig aovendje in de kefees Ut Praothoes en Casino.

Dees sjoean daag woore neet muegelik gewaesj zonger de inzèt van alle vriewilligers binne en boete De Jokers, ut Bieëgdjer volk det zich bie alle evenemente leet zeen, os kefeehaojers en häör personeel, os kollega-vereniginge en de gemèndje Maasgouw die geweldig höbbe metgewerktj aan de sjläölueverdrachte en hieël belangriek os hoofdjsjpsonsors en adverteerders in De Joker die zorge väör de finansiele ermsjlaag.

Ein sjpesiaal waord van dank gaon oet nao Prins Marcel I, Jeugdprins Jordy I, Jeugdprinses Carmen I en de adjedante Annemie, Raymond, Lotte en Nick. Met uch zevene zeetj gae de Bieëgdjer vastelaovendj op ein fantastische wieze väör gegange en wae höbbe allein mer komplimente gekrege uever uch optraejes binne en boete Bieëgdje. BEDANKTJ!

Wae winse ederein eine sjoeane lente en zomer en 11-11-2012 zeen wae os weer bie de uepening van de vastelaovendj 2013!

Besjtuur De Jokers Bieëgdje

Nog ein paar daag wachte en den is ut zoea wiet! De prinseresepsies en leedjeskonkoerse zeen achter de rögk en noe wachte Jokers en gans Bieëgdje op ut moment det de vastelaovendj van sjtart geit. In ut programma op dees website höbtj gae ut programma van de Jokers al kènne laeze, mer gaer gaon wae nog get mieër in detail kieke nao ut programma van De Jokers in de Bieëgdjer Vastelaovendj!

 

 

Donderdig 16 fibrewari: Jeugdsjläötelueverdracht - 18.30 toet 22.30 oer
De Jokers höbbe dit jaor de ieër om de sjläötelueverdracht van de Gemèndje Maasgouw te organisere. Op donderdig 16 fibrewari komme de jeugdprinse en prinsesse van de gemèndje same in 't Leuke om van Börgemeister Stef Strous de 'kleine' sjläötel van häör dorp in ontvangst te nömme. Edere jeugdvereniging zal zich prizzentere en de muzikale omliesting weurdj deze aovendj verzorgtj door Drive Inn Paradise. Ouch sjteit d'r nog ein verrassingsoptraeje geplandj det gae neet wiltj misse.

De foto's van de zeer gesjlaagdje prinseresepsie van Prins Marcel I, Jeugdprins Jordy I en Jeugdprinses Carmen I zeen noe te bekieke in oos fotobook.

Names Prins Marcel I, Jeugdprins Jordy I en Jeugdprinses Carmen I wille wae ederein nogmaals bedanke väör de aanwezigheid op de resepsie!