De Jokers Bieëgdje
De Jokers op Facebook De Jokers op Twitter
Sjpetter en sjtraol

Aanmelden optocht

meld dich aan via de site

Jokerprinse 2018

Truk

Jokerprinse 2018Jokerprinse 2018

Zaoterdigaovendj höbbe De Jokers häör noewe väörgengers gepresenteerdj väör dit vastelaovessezoen.

Zoea wie gebroekelik waerdje de aovendj gesjtart met ut aaftraeje van ut jeugdprinsenpaar. Naodet Jeugdprins Dave I en Jeugdprinses Aaf I mét häör adjedante Ravi en Laura de leste polonais haje geloupe en nog get sjoean wäörd haje gezag, moste zie aaftraeje en zoot häör regeerperiode d’r op.

Sjnel daonao waerdje häör opvolgers bekéndj gemaaktj. De Jeugdjokers waere dit jaor väörgegange door Jeugdprins Ravi I (Ravi Krause) en Jeugdprinses Femke I (Femke Craemers). Zie höbbe es adjedante Luuk Linssen en Evi Mennen gekoeaze en gaon regere onger häöre liefsjpreuk: “Bal ane kantj, Paerd op sjtal, Wae vere noe Carnaval”.

 

Nao ut oetrope van os noew jeugdprinsenpaar waas ut tied väör Prins Tom I om zien regeerperiode aaf te sjloete met zien adjedante Ralf, Dave en Jean. Ouch Prins Tom I haaj nog get sjoean wäörd väördet hae ziene scepter mos aafgaeve en es Baps 45 toe mocht traeje toet de BAPS.

Ouch sjnel daonao waerde de noewe Jokerprins oetgerope en det waas nemes minder den Prins Rens I (Rens Vinken). Prins Rens I waerdj ongersteundj door 3 adjedante, Lars van Herten, Roy Vereijken en Stephan Kocken. De liefsjpreuk van Prins Rens I is: “Wae höbbe de vastelaovendj in de tang”.

De Jokers zeen gruets op häör noew prinsen en felisitere häör van herte. Es gae de oos prinse persuenlik wiltj felistere den kan det op häör prinseresepsie op zaoterdig 27 jannewari. 

FJ Design