Jeugdprins Daan I, Jeugdprinses Merle I & Prins Maurice I

Tiejes ein geweljig prinsoetrope op zaoterdig 18 november mèt optraejes van Danny
Pouwels, Hoondervel en os Prinsekepel, waerdje es ieërste os kersverse Jeugdprinsepaar bekindj gemaaktj.
Dit jaor gaon Jeugdprins Daan I (Daan Elbersen) en Jeugdprinses Merle I (Merle Verdonschot) väörop in de polonais van De Jeugdjokers. Dit doon zie same mèt häör adjudante Daan van den Beucken en Femm Rubens Same regere zie onger häöre liefsjpreuk “Wae zètte non-sjtop de vastelaovendj oppe kop!”.
Es noewe väörgengers van de groeate Jokers is dit jaor Prins Maurice I (Maurice Verdonschot) oetgerope. Hae zal es 50 e  Jokerprins van Bieëgdje same mèt zien adjudante Vivienne van der Pot- Hermans, Guy Rubens en Charles Rubens regere onger ziene liefsjpreuk “Alles vanne baan, same draan!”.
 
Names alle Jokers winse wae uch allemaol van herte prefisiat! Mèt zien alle gaon wae d’r eine sjoeane vastelaovendj van make onger os thema “Wae zinge mèt”!