Nog ein paar daag wachte en den is ut zoea wiet! De prinseresepsies en leedjeskonkoerse zeen achter de rögk en noe wachte Jokers en gans Bieëgdje op ut moment det de vastelaovendj van sjtart geit. In ut programma op dees website höbtj gae ut programma van de Jokers al kènne laeze, mer gaer gaon wae nog get mieër in detail kieke nao ut programma van De Jokers in de Bieëgdjer Vastelaovendj!

 

 

Donderdig 16 fibrewari: Jeugdsjläötelueverdracht - 18.30 toet 22.30 oer
De Jokers höbbe dit jaor de ieër om de sjläötelueverdracht van de Gemèndje Maasgouw te organisere. Op donderdig 16 fibrewari komme de jeugdprinse en prinsesse van de gemèndje same in 't Leuke om van Börgemeister Stef Strous de 'kleine' sjläötel van häör dorp in ontvangst te nömme. Edere jeugdvereniging zal zich prizzentere en de muzikale omliesting weurdj deze aovendj verzorgtj door Drive Inn Paradise. Ouch sjteit d'r nog ein verrassingsoptraeje geplandj det gae neet wiltj misse.

De foto's van de zeer gesjlaagdje prinseresepsie van Prins Marcel I, Jeugdprins Jordy I en Jeugdprinses Carmen I zeen noe te bekieke in oos fotobook.

Names Prins Marcel I, Jeugdprins Jordy I en Jeugdprinses Carmen I wille wae ederein nogmaals bedanke väör de aanwezigheid op de resepsie!

Mörge, Vriedig 3 fibbrewari, weurdj door De Jokers de vastelaovesgezet "De Joker" weer langs de Bieëgdjer däöre gebrach. Aafgeloupe maondje haet de Joker-kemmissie (ism de Sjponsorkemmissie) weer d'r väör gezorgdj det de gezet weer vol sjteit met sjoean verhaole, grappige verhaole, foto's, adverteerders, weetjes&feitjes en nog väöl meer.

Väör de 20e kieër zölle De Jokers (met ouch Prins Marcel I en zien adjedante) bie uch aanbelle en De Joker aan uch aanbeeje. Gae bepaoldj zelf de pries.

Wae danke uch bie deze al väör de biedrage!

Aafgeloupe weekend sjtinge väör de 21e kieër de Bieëgdjer Bontje Aovendje op 't programma. Onger 't thema "Sjläötele hiej, Sjläötele dao" trooje 12 (groepen) artieste op väör eine volle zaal. Wiltj gae nog eine kieër naogenete? Kiek den in 't fotoalbum, want dao zeen vanaaf noe de foto's te zeen van de bontje aovendje.

Op de 21e Bontje Aovendj van aafgeloupe weekend is de Kei van Bieëgdje 2012 bekintj gemaaktj. De Kei van Bieëgdje 2012 is nemes minder den Harry Clerx.

De Kei van Bieëgdje weurdj toegekéndj aan eine persoean of ein groep dae zich jaore lang verdeenstelik haet gemaaktj väör de Bieëgdjer gemeinsjap, ein prestatie haet geleverdj woeadoor Bieëgdje bekindjheid haet gekrege boete de regio of zich jaorelang väör Bieëgdje in 't algemein haet ingezatte.

Vanaovendj (vriedig 27 jannewari) en muge (zaoterdig 28 jannewari) sjtaon de Bóntje Aovendje van De Jokers weer op 't programma. De bóntje aovendje sjtarte om 20.11 oer in Gemendjsjapshoes 't Leuke. Wae vraoge uch om op tied in de zaal te zeen, zoeadet gae uch ein fijn plaetske kintj oetzeuke.

Names De Jokers winse wae uch eine sjoeane Bontje Aovendj en winse wae de artieste väöl succes en plezeer met de optraejes.