De Jokervlag

Gekoeaze is väör blauw es óngergrónd, ómdet die kläör de belangriekste kläör vanne Jokers is. In 't midde van de vlag sjteit de Jokerteikening mèt de twieë mómmebakkusse "Leef en Leid". De Joker, gekläördj inne vastelaoves-kläöre, roead, gael en greun, is mèt zien narremöts tieëge de boeavekantj van ein wit kader geplaatstj. De Joker prèbeertj dit kader te doorbraeke. 't Kader sjteit väör de kaartvorm, mèr ouch väör 't rechthookige en rechtlienige. 't Kader woea-in ederein geplaatstj is. 't Kader is wit, het ónherkènbare van de groeate groep. De Joker prèbeertj dit te doorbraeke. Vanoet de linkerkantj van de vlag kómme de vastelaeves-kläöre es vloeiende liene bènne sjtruime. Vloeiendj es 't plèzeer, de kreativiteit, de soepelheid van dènke, de rónje vorme van 't ómgaen mèt mekaar. Roead, de kläör van de agressie en de felheid, sjteit boeavenaan, mer waerdj door de Joker gezuverdj. De roeaj-kläör geit rechts-ónger oet de vlag. Gael, 't werme geveul begintj in 't midde en blieftj in 't midde. Greun de kläör vanne röst, begintj links-ónger, mer nao drie daag róndj-dolle, eindigtj dees kläör rechts boeave. Wae kinne d'r weer efkes tieëge. Links van 't kader, de naam "Jokers" en rechts de naam van ós dörp "Bieëgdje".
 
De Jokervlag is ein ontwerp van oze eige teikeneer Herman Claessen.
 
Jokervlagge zeen in de waeke väör de vastelaovendj väör € 25,-- te koup bie de Atep (Fr. Delissen).