Jeugdprinsepaar, Boerebroedspaar en Jokerprins oetgerope

Tiejes ein geweljig prinsoetrope op zaoterdig 16 november mèt optraejes van de LVK finalist van Lieshout en Arts en os eige Prinsekepel, waerdje es ieërste os kersverse jubileum Jeugdprinsepaar bekindj gemaaktj.



Dit jaor gaon Jeugdprins Raf I (Leenders) en Jeugprinses Maud I (Delissen) väörop in de polonais van De Jeugdjokers.
Dit doon zie same mèt häör adjudante Stijn (van der Pot) en Siz (Kessels) Same regere zie onger häöre liefsjpreuk ‘Wae zeen vanne party’.

Aansloetendj aan ’t oetrope van os jubileum Jeugdprinsenpaar is bekindj gemaaktj waem dit seizoen os boerebroedspaar is.
Dit seizoen zulle Roy (Vereijken) & Senna (Vinken-Henckens) zich in ’t on echt gaon verbinje op 11 januari tiejes ’t Boerebal.

Es jubileumprins vanne groeate Jokers is dit jaor Prins Charles I (Rubens) oetgerope. Hae zal es 51 e  Jokerprins van Bieëgdje same mèt zien adjudante Ruud
(de Kwaadsteniet), Terry (Koolen) en Guy Rubens regere onger ziene liefsjpreuk ‘Op volle toere, toet in de late oere!’.
 
Names alle Jokers winse wae uch allemaol van herte prefisiat! Mèt zien alle gaon wae d’r eine sjoeane vastelaovendj van make in os jubileum seizoen onger os thema ‘3X11’