Os noew Prinsen

1,5 jaor höbbe zie motte zjwiege en motte wachte, mèr gisteraovendj zeen eindelik os väörgengers väör ’t noewe vastelaovessezoen oetgerope. Op eine gezellige aovendj met optraejes van Beppie Kraft, Roy Selder en os Prinsekepel waerdje allerieërst ’t noew Jeugdprinsenpaar oetgerope. Dit jaor viere de Jeugdjokers de vastelaovendj onger leiding van Jeugdprins Tjess I (Tjess Kessels) en Jeugdprinses Mila I (Mila Claessen). Same met häör adjudante Sjuul Jenniskens en Suus Schreurs regere zie ónger häöre liefsjpreuk “Wae bringe de vastelaovendj thoes”

De groeate Jokers waere dit jaor väörgegange door Prins Bjorn I (Bjorn Sonneville). Es 49^e Jokerprins zal Prins Bjorn I waere biegesjtange door 3 adjudante, Lars Sonneville, Johan Peeters en Jan Knoops. Refererendj nao zien werk zal ozze noewe prins gaon regere ónger zien liefsjpreuk “Alle remme los!”

Names alle Jokers felisitere wae uch allemaol van herte prefisiat! Mèt zien alle gaon wae gaas gaeve en make d’r eine sjoeane vastelaovendj van!