Thema Vastelaovendj 2022/2023

Ut haet lang gedoerdj, mèr ut zuutj d’r nao oet dat wae dit sezoen weer eine normale
vastelaovendj kinne viere. Det beteikendj det wae es Jokers, same met os noew Jokerprinse
en Prinses en alle miense van Bieëgdje weer alles oet de kast zulle haole. En Big Benny zooj
den zègge: Gaas!
Mèr ouch es vastelaovesvierders mooge wae neet oet ’t ouch verleeze det d’r van alles aan
de handj is in de wèrreldj. Corona nog neet good en waal achter de rögk en wae zitte mèt de
oearlog in Oekraïne, ut klimaat, stikstof en noe de energiecrisis. Mer wae gaon d’r mèt zien
alle väör zorge det nemes in de kaoj kumptj te sjtaon en met sjpringe, hosse en aaf en toe
ein glaeske beer zorge wae d’r väör det ederein ut werm kriegtj.
Met anger wäörd, ut thema väör kommendj sezoen: WAE GAEVE GAAS!